Miris Mama 孕婦產後修身按摩專門店

【假如老公是動物】10種「動物系爸爸」 你老公係邊種？

您覺得老公似咩動物??

10種「動物系爸爸」性格分析

各有優缺點，款款都咁趣緻

您理想中嘅老公係咩動物? 實際又係咩呢??

犬系爸爸

會竭力保護仔女、時常倍伴在側

以家庭為生活中心嘅暖男，常伴左右，有事無事隨傳隨到，係小朋友心目中嘅超人爸爸，亦係最忠心嘅伙伴。喺老婆心目中亦係忠心又愛錫家庭嘅好老公，心靈上會好依賴另一半。

貓系爸爸

傲驕、見小朋友癡阿媽多啲會呷醋

外冷內熱，睇落唔嗲唔吊，其實心裡非常在意，亦非常關心家人；唔會將愛錫老婆仔女嘅心情講出口，但又希望佢哋喜歡自己；有時見到仔女癡阿媽多啲仲會呷醋！

虎系爸爸

典型一家之主、會嚴厲管教小朋友

大男人，屋企佢最大；有主見，事無大小都係佢話事，對人對事都較嚴厲，有時會令小朋友怕怕。不過喺老婆心目中就係一個好可靠嘅男人，有佢喺度就乜都無有怕！

兔系爸爸

好好恰、見仔女有事會好驚青

性格溫馴，喺屋企擔當被欺負嘅角色，從來唔會發脾氣，仲會畀小朋友恰返轉頭，對老婆也是十分遷就，亦因為咁大家都喜歡佢；遇事較驚青、手忙腳亂，需要老婆照顧。

熊系爸爸

毛茸茸、最鐘意抱抱，攬住取暖一流！

身形大大份，有肌肉又有肥肉，外表兇猛得嚟其實又有可愛嘅一面，畀人感覺熱情；對仔女嚟講係一個騎膊馬同抱抱嘅好對象；對老婆嚟講亦係個無敵人肉大暖包。

鳥系爸爸

愛自由、經常唔喺屋企

崇尚自由、活在當下，人生宗旨係”Work hard Play hard”。成日唔喺屋企，陪伴家人嘅時間較少；但每當Family Day就會專注陪家人，唔會將工作帶返屋企。

牛系爸爸

誠實、勤力工作養妻活兒

為人老實、腳踏實地，擔屎唔偷食，會教仔女做個正直嘅人；而且是非常負責任的好男人，以家庭為己任，努力賺錢養家，喺屋企亦會幫手做家務同湊仔。當然，對老婆亦是痴心一片。

象系爸爸

穩重可靠，係仔女嘅大靠山！

畀人感覺沉著冷靜、穩重可靠，會為家人遮風擋雨；無論遇到咩事，有佢喺度都會令人覺得好安心，老婆仔女都當佢係大靠山，總之一家人在一起就無咩好怕！

豬系爸爸

肥嘟嘟、主要工作係食同瞓

一個字──懶！唔會幫手做家務、唔會幫手湊BB，喺屋企主要係食玩瞓，身形肥胖。雖然Hea底成性，不過對自己擁有嘅幸福生活十分珍惜，亦都好愛錫老婆仔女。

猴系爸爸

活力無限無時停，最鐘意同小朋友玩！

活躍好動嘅大細路，喜歡戶外活動；同仔女打成一片，係小朋友嘅最佳玩伴。對老婆嚟講就好似湊多個仔咁，不過同佢一齊總係會有無限歡樂同笑聲，係一個開心果！

Miris Mama孕婦產後修身按摩專門店

網上推廣優惠︰https://mirisspa.hk/mirismama孕婦按摩及產後護理-網上推廣/

WhatsApp 查詢︰https://goo.gl/hU1FwM

Miris Mama新客優惠預約專線︰6840 0488

Miris Mama岩石按摩專門店地址 | 銅鑼灣｜尖沙咀| 旺角｜觀塘 ｜荃灣
Miris Mama銅鑼灣
銅鑼灣羅素街38號金朝陽中心38樓全層(銅鑼灣港鐵站A出口)
Miris Mama尖沙咀
尖沙咀加連威老道2-6號愛賓商業大廈15樓全層(尖沙咀港鐵站B1出口)
Miris Mama旺角
旺角彌敦道580A-580F周大福商業中心7樓全層 (油麻地港鐵站A2出口)
Miris Mama觀塘
觀塘成業街6號泓富廣場28樓06-10室(觀塘港鐵站B1出口)
Miris Mama荃灣
荃灣楊屋道 88 號 Plaza 88 (映日灣) 20 樓 (荃灣西D出口)